Oberi und Underi Balm
Vu Chalchwändä umschtellt
Laag
Diä beedä Alpä ligget churz vor em Chläüsäpass; diä Oberi Balm liit uf dr Nordsitä vu dr Passschtraass, diä Underi Balm uf dr sidlichä Sitä, underhalb und oberhalb vum Hotel Chläüsäpass.
Bsunderhäit
Mehreri Betriib beschtoosset diä beedä Alpä, wo vu dä Windgällä-Chalchwändä igrahmet sind und liächt vu dr Schtraass üs chennet erräicht wärdä.
Chääs
Uf beedä Alpä machet si vor allem Ürner Alpchääs, äs wird aber äü Ankä produziärt, wo diräkt ab dä Alphittä verchäüft wird.
«Hinder ämä rundä Felsgupf uf der Alp Balm hent äs par Älpler Krischtall gfundä, wo si amänä Fremdä fir güäts Gäld hent chennä verchäüfä. Doch der Gäldsägä isch verschwundä, wiä är cho isch – uf äi Chlapf.»
Ürner Sagäwält