Gnossäschaft im Maderanertal

Ds Etzlital und ds Maderanertal gheeret zu dä urwichsigschtä Bärgtäler im Kanton Üri. Ds Gebiät isch ä Landschaft vu nazionaler Beditig und kännt nu Tiär- und Pflanzäartä, wo usset umä sältä wordä sind.

Im Maderanertal liit d Alp Schteessi, wo siibä Familenä üs Brischtä als Häüptschtafel diänet. Si hent sich zur Alpgnossäschaft Schteessi zämägschlossä. Diä Gnossäschaft bewirtschaftet äü d Alp Gnov, wo zhinderscht im Maderanertal liit. Elf Alpgnossäschafter betriibet d Alp Etzli.

D Alpgnossäschaft Schteessi produziärt rund sächs Tonnä Chääs uf Schteessi und rund 700 Kilo uf Gnov. Der Chääs wird mehrhäitlich diräkt vor Ort verchäüft. Näbet em klassischä Alpchääs produziäret d Gnossäschafter äü Mutschlichääs – natüür oder mit Paprika, Chnoplech, Schnittläüch und Pfäffer gwirzt. Züäsätzlich wärdet äü nu Bratchääs, Jogurt, Alpäankä, Nitlä und Ziger härgschtellt. Äü d Gnossäschafter uf Etzli verchäüfet iri Produkti wiä zum Bischpil Alpchääs, Ziger und Ankä und ä hüfä Jogurt i erschter Liini privat.

Genossenschaft Urner Alpkäseproduzenten

Kornmattstrasse 16, 6460 Altdorf
Telefon: +41 (0)79 343 07 28, mail@remove-this.urneralpkäse.ch

Social Media

Folg iis uf Facebook | Google+

© 2019  -  Impressum | Sitemap