D Püürä uf dr greeschtä Schwizer Chüäalp hent sich zämätaa und verschaffet und vermarktet niiwerdings irä Chääs gmäinsam. Sit em Summer 2014 wird i dr niiw püüwtä Alpchääserii d Milch vu 1200 Chiänä zu rund 100 Tonnä «Alpchääs vum Ürnerbodä» verschaffet.

6,5 Millionä Frankä het dr Niiwbüüw gchoschtet, wo näb dr Chääserii äü ä Verchäüfsladä püüwet wordä isch. D Alpchääserii liit diräkt a dr Chläüsäschtraass, was dr Toni Gisler, Presidänt vu dr Alpsännägnossäschaft Ürnerbodä, als ä groossä Schtandortvortäil alüägt: «Passantä chennet im Ladä Ürnerbodä-Alpchääs chäüfä und äs Schtuck Alpkultüür kännälernä.»

Ä Täil vum Ürnerbodä-Alpchääs sell dur Groosshäntler und Chääshäntler umgsetzt wärdä, dr Rescht wird diräkt vermarktet oder im Ladä vu dr Alpchääserii verchäüft.

Mee Informazionä: www.alpkaeserei-urnerboden.ch