Qualität

Ä Chääs derf nur de als Alpchääs bezäichnet wärdä, wenn d Milchprodukzion und d Verchääsig tatsächlich uf dr Alp schtattfindet. Das Ürner Tradizionsprodukt wird uf Hochalpä härgschtellt, wo uf ärä Heechi vu mindeschtens 1350 Meter uber Meer liggä miänt. Erschtmals ürkuntlich erwähnt wird ds Alpchääsä im Kanton Üri im 18. Jahrhundert.

Dr Alpchääs gilt under all dä verschidenä Chäässortä als dr gsindischt. Das verdankt är vor allem äm heechä Ghalt a Omega-3-Fettsiiri. Diä ugsättigtä Fettsiirenä sind güät fir ds Härz-Chräisläüf-Syschtem. Chunnt drzüä, dass diä bioaktivä Peptidä ä blüätdrucksänkendi Wirkig hent. Witer het s im Alpchääs innä d Vitaminä A, B2, B6 und B12.

Das under em Label „Ürner Alpchääs“ vermarkteti Läbesmittel müäss gnäüw definiärti Standards erfillä wiä eppä äs Fett/Wasserverhältnis vu 48 bis 55 Prozänt. D Qualität wird jedes Jahr im Herbscht dur d Taxiärigskomission kontrolliärt. Und grad mängisch cheemet d Ürner Alpchääs uf ds Punktemaximum vu 20.


Genossenschaft Urner Alpkäseproduzenten

Kornmattstrasse 16, 6460 Altdorf
Telefon: +41 (0)79 343 07 28, mail@remove-this.urneralpkäse.ch

Social Media

Folg iis uf Facebook | Google+

© 2019  -  Impressum | Sitemap