Urner Käsesoufflé

Ürner Chäässoufflé

Züätatä (fir 4 Personä):

1 Souffléform vu 1,5 l Inhalt, ca. 20 cm Durchmässer
Ankä fir ä Formäbodä
3 dl Milch
30 g Ankä, i Schtickli gschnittä
50 g Mähl
ä halbe Theeleffel Salz
Pfäffer üs dr Mili
äs bitzäli Muschgetnuss
150 g Ürner Alpchääs frisch griibä
4 Äigälb
4 Äiwiiss, mitämä Viärtäli Theeleffel Bachpulver gschlagä
100 g Chirbiswirfel i chliini Wirfeli gschnittä

Üssfiärig:

1. Fir d Béchamelsoosä Milch, Ankä und Mähl inärä Chromschtahlpfannä mit em Schwingbäsä verriärä. Bi mittlerer Hitz under schtändigem Riärä üfchochä. D Chirbiswirfeli drzüätüä. 5-10 Minütä bi chliiner Hitz zunärä dickä Soosä chochä, wirzä.

2. Fir ds Soufflé dr Chääs under diä häiss Soosä riärä, liächt abchiälä laa. Ds Äigälb drunder riärä. Zeerscht d Hälfti vum Äischnee drunder ziä. De dr Reschtä Äischnee siiferli drunder ziä. D Soufflémassä schnell i d Form fillä. D Form sell mä äigetli nur am Bodä mit Ankä üsschtriichä. D Soufflémassä schtigt äsoo regelmässig am Formärand hoch und blibt bim Serviärä eppis lenger i Form.

3. Im underä Täil vum uf 200 Grad vorghäiztä Ofä 35-45 Minütä bachä. Sofort serviärä.

Reschtärant Esstragout

Ds A-la-Carte-Reschtärant Esstragout isch äs Paradiis fir Gescht, wo inärä gedigenä Atmosphärä diniärä went. Werner Maus erfindet jedä Tag niiwi, äinzigartigi Komposizionä, wo jedes "Müül" vertwännet.

Zur Website esstragout.ch

Genossenschaft Urner Alpkäseproduzenten

Kornmattstrasse 16, 6460 Altdorf
Telefon: +41 (0)79 343 07 28, mail@remove-this.urneralpkäse.ch

Social Media

Folg iis uf Facebook | Google+

© 2019  -  Impressum | Sitemap